Xəbərlər

Ölkəmizdə, tələbələr, gənc mütəxəssislər müntəzəm olaraq Azərbaycan Memarlıq və İnşaat Universitetinin nəzdində KNAUF Tədris-Məsləhət Mərkəzi və № 4, №14 Peşə Məktəbləri bazasında olan KNAUF Resurs Mərkəzlərində innovativ Knauf məhsulları və sistemləri ilə yaxından tanış ola bilərlər və habelə işin praktiki vərdişlərini əldə edə bilərlər.

"Knauf Marketing Baku" Şirkəti və Azərbaycan Memarlar İttifaqı ilə səmərəli əməkdaşlıq çərçivəsində bu il İttifaqının yaranmasının 80 illiyinə həsr olunmuş Yeni Poçt Markaların nəşrinin baş sponsoru kimi "Knauf Marketing Baku" Şirkəti çıxış edib. May ayının 6-da Azərbaycan Memarlar İttifaqının yaranmasının 80 illiyi münasibətilə Azərbaycanın görkəmli memarlarına həsr olunmuş poçt markaları albomunun təqdimatı keçirilib.

İnşaat Kollecinin 102 a1 və 82a1 qruplarında təhsil alan tələbələri Azərbaycan Memarlıq və İnşaat Universiteti nəzdində KNAUF Tədris Məsləhət Mərkəzində təcrübə keçiblər. Təcrübə ərzində tələbələrə gips və onun xüsusiyyətləri, quru inşaat sistemlərində istifadə olunan alətlərlə tanışlıq və onlarla işləmə qaydaları, gipskarton lövhələr, gipskarton sistemlərin karkasları, D111, D112, D113 tipli arakəsmə konstruksiyaları, AQUAPANEL sement plitələri, xüsusi təyinatlı lövhələr, cleaneo akustik lövhələr və AMF tavanlar və s. haqqında məlumat verilib, tətbiqi sınaqdan keçirilib.

4 may 2016-cı il tarixində Azərbaycan Memarlıq və İnşaat Universitetinin rektoru Gülçöhrə Məmmədova Almaniya Federativ Respublikasının Bakıdakı Səfirliyinin müvəqqəti işlər üzrə müvəkkili cənab Dok. Folker Berreshaym və Knauf şirkətinin baş rəhbəri Samir Quliyevi qəbul etmişdir.

Aprel ayın 27-də Azərbaycan Memarlıq və İnşaat Universitetinin Memarlıq fakültəsinin və Qərb Universitetinin Dizayn kafedrasının 4-ci kurs tələbələri üçün «KNAUF MATERİALLARI – GƏNC MEMARLARIN SEÇİMİ!» adlı müsabiqənin təqdimatı keçirilmişdir.

Oktyabrın 24-dən 21-dək Bakıda "Xəzər İnşaat Həftəsi"-nin başlanğıcı olan 21-ci Azərbaycan Beynəlxalq "Tikinti" Sərgisi - Bakubuild 2015 keçirilib. Sərgi Bakı Ekspo Mərkəzinin bütün pavilyon və açıq meydançalarını tutub, 35 ölkədən 535 şirkəti qəbul edib. "KNAUF Marketing Baku" şirkəti ənənəvi olaraq bu sərgidə iştirak edib.

2015-ci il oktyabrın 7-dən 9-dək Bakıda Beynəlxalq Memarlar İttifaqının dəstəyi və Azərbaycan Memarlar İttifaqı, Azərbaycan Mədəniyyət və Turizm Nazirliyinin təşkilatçılığı ilə Bakı beynəlxalq memarlıq müsabiqəsi keçirilib. Bu memarlıq bayramının əsas sponsorlarından biri kimi "KNAUF Marketing Baku" şirkəti çıxış edib.

Memarlıq-inşaat təhsilin inkişafına dəstək "Knauf Marketing Baku" şirkətinin Azərbaycanda fəaliyyətinin prioritet sahələrindən biri sayılır. Bu işin ayrılmaz hissəsi tikinti sahələrindəki tələbə və mütəxəssislər üçün yeni dərsliklərin nəşridir.

2015-ci il iyunun 12-dən 28-dək Bakıda Avropa qitəsinin tarixində İlk Avropa Oyunları keçirilib. Avropanın 50 ölkəsindən ümumilikdə 6 min idmançı 23 idman növündə (onların arasında güləş, voleybol, həndbol, cüdo, taekvondo, boks, güllə atıcılığı, badminton, üzgüçülük və s. olmaqla) medallar uğrunda mübarizə aparmaq üçün Bakıya gəlib.

22-25 oktyabr 2014-cü il tarixlərində Bakıda 20-ci Yubiley Azərbaycan Beynəlxalq "İnşaat" Bakubuild 2014 Sərgisi keçirilmişdir. Dünyanın 29 ölkəsindən 490-dan çox şirkət Bakı Ekspo Mərkəzinin bütün pavilyonlarında öz ekspozisiyalarını təqdim etmişlər. Bu yubiley sərgidə "Knauf Marketing Baku" MMC ənənəvi olaraq geniş miqyasda iştirak etmişdir.

11-18 oktyabr 2014-ci il tarixində Memarlıq Təhsilinə Yardım üzrə Regionlararası İctimai Təşkilatın ın (MOOCAO), Azərbaycan Memarlıq və İnşaat Universitetinin və Azərbaycan Memarlar İttifaqının təşəbbüsü ilə Bakıda memarlıq və dizayn ixtisasları üzrə ən yaxşı buraxılış işlərinin XXIII Beynəlxalq baxış-müsabiqəsi keçirilib.

24-25 oktyabr 2013-cü ildə Bakı şəhərində “Seysmik baxımdan təhlükəsiz inşaat” mövzusunda Beynəlxalq elmi konfrans keçirildi. Təşkilatçılar qismində KNAUF MDB qrupu və Azərbaycan Memarlıq və İnşaat Universiteti çıxış etdilər.

23-26 oktyabr 2013-cü il tarixində Bakıda "Knauf Marketing Baku" MMC-nin ənənəvi iştirak etdiyi növbəti 19-cu Azərbaycan Beynəlxalq "İnşaat" Baku Build 2013 Sərgisi keçirildi. Sərgidə dünyanın 29 ölkəsindən 480 şirkət istirak etdi. Bu il, 4 tərəfdən açıq, 64 m²-lik sahədə Knauf şirkəti öz məhsullar qrupları və inşaat həllərini maksimal dərəcədə nümayiş etdirməyə çalışdı. Ön planda əsas vurğu quru inşaat qips qarışıqlarının təbliğatına yönəldilmişdi. Dünyada rəğbət qazanmış bu innovativ məhsulların yerli bazarda istehsalının başlanğıcı gündən-günə gözlənilir – yerli kadrlar tərəfindən yerli xammalla istehsal etmək Knauf şirkətinin əsas fərqləndirici xüsusiyyətlərindəndir.